Kl. Ianair, .ui. f., l. uii. Anno Domini M.l.iii.
M. na h-Aidhchi H. Ruairc, ridomna Connacht, a marbad do Diarmait H. Cuinn a n-Innsi Locha Arbach.
Muiredach m. Diarmata airchinnech Rois Cré, h-Ua Ruadrach airchinnech Termoinn Fheicin, Flaithbertach H. Mael Fhabhaill rí Cairce Bracaidhe, Doilgen uasal-shacart Ard Macha, Domnall H. Cele airchinnech Slane, Murchad H. Beollan airchinnech Droma Cliabh,—omnes in pace dormierunt.
Crech la mc. Lochlainn & la Firu Muighe Itha for Cenel m-Binnigh Locha Drochait co rucsat tri .c. bo & coro marbsat Dub Emna m. Cinaedha secnap Cluana Fiacna, & Cu Macha m. Clairchen, moer Dail Cais.
Mael Cron m. Cathail, ri Bregh, a marbad do U Riacan.
Donnchad H. Ceallachan, ridomna Caisil, do marbad d'Osraighibh.
Niall H. Eignigh, ri Fer Manach, do marbad do Feraib Luirg.
Cochlan, ri Delmna, a suis per dolum occisus est.