Corpus of Electronic Texts Edition

The Annals of Ulster (Author: [unknown])

Year U1049

U1049.0

Kl. Ianair .i. f., l. xx.iii. Anno Domini M.xl.ix.

U1049.1

Amalgaidh, comarba Patraicc, .xx.ix. annis transactis in principatu, penitens in Christo quieuit. {§H1}

1. Amalgaidh, abb n-Gaidhel n-gluair,
   is tenn ro cainedh a cradh,
   co derbh d'ascnam righ-thigh reil
   luidh h-i Feil na n-Apstal n-an,
   init Iuil do-cuaidh ar cel
   is ann ruc buaidh ar nem nar.

U1049.2

Mael Cainnigh H. Taichligh comarba Daiminnsi, Tuathal H. Uail airchinnech Boithi Conais, in pace quieuerunt.

U1049.3

Flaithbertach H. Loingsigh do marbad la mc. Concobuir H. Loingsigh.

U1049.4

Muirchertach m. Mael Sechlainn do marbad la Concobur H. Mael Sechlainn dar airthech De & daine.

U1049.5

Concobur H. Cinn Fhaelad ri H. Conaill Gabra, Imhar H. Beice ri H. Meith, occisi sunt.

U1049.6

Dub Da Leithi do ghabail na h-apdaine asa firus leighinn in eodem die quo mortus est Amhalgaid. Aedh H. Forreidh do ghabail na firusa leiginn.

U1049.7

{§H1}In hoc anno (cap)tus est Flaithbertach H. Laithnen, ri Fernmuigi.§