Corpus of Electronic Texts Edition
The Annals of Ulster (Author: [unknown])

Year U1035

U1035.0

Kl. Ianair .iiii. f., l. .x.uiii. Anno Domini M.xxx.u.

U1035.1

Cnút mc. Sain, ri Saxan, do ec.

U1035.2

Cathal m. Amhalgadha, ri Iarthair Laigen, & a ben, ingen m. Gilla Choemhgin m. Cinaedha, & a chu do marbad i n-aen-uair do m. Ceallaig m. Dunchada.

U1035.3

Flaithbertach H. Murchada, ri Ceniuil Boghaine, cum multis occisus est.

U1035.4

Iarnan H. Flannchada, cu na naebh & na firen, do thecht for creich i n-Delbna conid-tairtetur uaiti do Delbna ima rig co tardsat cliathaig dó & coro marbad Iarnan & ár a muintire tria nert na naemh.

U1035.5

Ragnall H. h-Imhair, ri Puirt Lairgi, do marbad i n-Ath Cliath la Sitriuc m. Amlaim.


p.474

U1035.6

Ard m-Brecain do arcain do Shitriuc m. Amlaim. Sord Coluim Cille do arcain & do loscad do Concobur H. Mael Sechlainn ina dighail.