Kl. Ianair .ii. f., xx.ui. Anno Domini M.xxx.iii.
Maidm ria Murchad H. Mael Seclainn for Conchobur H. Mael Sechlainn coro marbad Mael Ruanaidh H. Carraidh Colma & Lorcan H. Caindelban, rí Loegaire, & alii multi.
Conn m. Mael Patraicc, airchinnech Mungarti, quieuit.
Concobur H. Muiredhaigh, ri Ciaraidhe, occisus est.
Aenach Carmain la Donnchad mc. Gilla Patraicc{folio & column H57va} iar n-gabail righi Laigen.
Amhergin H. Cerbaill rí Eile, Cu Inmain m. Ruaidri H. Cetfadha, mortui sunt.
Maidm iter Eile i torcair Braen H. Cleiridh & Muiredach m. m. Gilla Patraicc & alii multi.
M. m. Boete m. Cinaedha do marbad la Mael Colaim m. Cinaedha.
Oengus H. Cathail, ri Eoganachta Locha Lein.
Sgrin Petair & Poil ic tepirsain fola for altair Patraicc i n-Ard Macha coram omnibus uidentibus.
Aedh m. Flaithbertaigh H. Neill, ri Ailigh & ridomna Erenn, post penitentiam mortuus est aidhci Fheili Ainnrias.