Kl. Ianair .ui. f., l. iiii. Anno Domini M.xxx.i..
Flaithbertach H. Neill do thiachtain o Roim.
Ard m-Brecain do argain do Gallaib Atha Cliath. Da cet duine do loscadh isin daim liac & da .c. do breith i m-brait.
Ceall Dara do loscadh tria anfaitces drochmna.
Slogad la mc. Eochada co Talaigh n-Ooc, & nocho taraidh ni. Aedh H. Neill do thecht ina timceall sair co tuc tri mile do buaibh & da .c. ar mile di brait.
Slogad la mc. Eochada i n-h-Uib Echach coro loisc Cill Cumbair cona dairtigh, coro marbh cethrur do cleircibh & co ruc .xxx. do brait.
Slogad la mc. m-Briain i n-Osraighibh coro ladh ar a muintire im Mael Colaim Coinrigech & alii multi.
Cadhasach, comarba Coemhgin, do dhallad la Domnall m. Dunlaing.
Creach int shnechta la h-Aedh H. Neill i Tir Conaill coro marbh H.Canannan, ri Ceniuil Conaill.
H. Donnacan, ri Aradh Tire, do marbad do H. Briain, .i. Toirrdelbach.