Corpus of Electronic Texts Edition

The Annals of Ulster (Author: [unknown])

Year U1024

U1024.0

Kl. Ianair .iiii. f., l. .xui. Anno Domini M.xx.iiii

U1024.1

Ugaire m. Dunlaing, ri Laigen, & Mael Mordha m. Lorcan, rí H. Ceinnselaig: tech do gabail forra ic Dubloch la Donn Sleibe m. Mail Mordhai, la righ H. Faelain, & a tuitim ann. Donn Sleibe iarum do marbad do H-Uib Muiredhaigh.

U1024.2

Cath Atha na Croisi i Corunn iter H. Mael Doraidh & H. Ruairc coro muidh for U Ruarc & coro ladh a ar. {§H1}

1. In cath ec Ath na Croisi
   fechtatar fir cen taisi,
   ro linadh collaibh Corann,
   is la Conall a mhaisi.

p.462

U1024.3

Cuan H. Lothcan, prim-eices Erenn, do marbad i Tebtha d'Fearaibh Teabhtha fein. Brenait a n-aen-uair in lucht ro marb. Firt filed innsein.

U1024.4

Domnall m. Aedha, ridomna Ailigh, do marbad do Ghilla Mura m. Ocan.

U1024.5

Mael Duin H. Con Chaille, ri H. Niallain, do marbad do h-Uib Dorrthainn.

U1024.6

Mael Ruanaid H. Ciardhai, ri Cairbri, a suis occisus est.

U1024.7

Crech la mc. H. Neill coro ort H. Meith & H. Dorrthainn.