Corpus of Electronic Texts Edition
The Annals of Ulster (Author: [unknown])

Year U1019

U1019.0

Kl. Ianair .u. f., l. xx.i. Anno Domini M.x.ix.

U1019.1

Alene mc. Osene Mughdorn, & Ossene H. Cadasaigh ri na Saitne, do marbad la Gailengu.

U1019.2

Ceall Dara uile do loscadh do theinidh di aitt.

U1019.3

Domhnall m. Mail Shechlainn, {folio & column H56ra} comarba Finnen & Mo Colmog, in Christo quiéuit.

U1019.4

Ardghar & Archu m. Mail Sechlainn m. Mael Ruanaid, da rigdamna Ailigh, a suis occisi sunt.

U1019.5

Gilla Coeimgin m. [gap: extent: 1 word], ridomna Laigen, a suis occisus est.

U1019.6

Mathgamain m. Conaing m. Duinn Cuan, ridomna Muman, do ecaibh.

U1019.7

Flaithbertach H. Neill do techt i Tir Conaill coro ort Tir n-Enna & Tir Lughdach.

U1019.8

Ruaidhri H. Ailellan, H. n-Echdach, do marbad la Firu Fernmhuighi. Ro marbtha immorro da mc. Ceinneitigh, .i. Conghalach & Gilla Muire ina dighail fo cetoir.

U1019.9

Eisce do thabairt do h-Uibh Caissein im Donnchad m. m-Briain coro tescadh a bos deas de.

U1019.10

Damh liac Dermaighi do brisiudh la Muirchertach H. Carraigh for Mael Muaidh, Fer Cell, & a thabairt as ar eigin & a marbad iarum.