Corpus of Electronic Texts Edition

The Annals of Ulster (Author: [unknown])

Year U1018

U1018.0

Kl. Ianair .iiii. f., l. x. Anno Domini M.x.uiii.

U1018.1

Gormghal in Ardailean, prim-anmchara Erenn, in Christo quieuit.

U1018.2

Broen m. Mael Mordha, ri Laigen, do dallad i n-Ath Cliath la Sitriucc m. Amlaim.

U1018.3

Maelan m. Eicnigh H. Lorcan, ri Galeng & Tuath Luighne uile, do marbad do Shaitnibh.

U1018.4

Slogad la Cenel Eogain co Cill Fabricc coro marbsat dreimm moir & co fargaibset Gilla Crist m. Conaing m. Congalaig, .i. muire Clainne Sinaigh.

p.454

U1018.5

Oentrubh do arcain do Feraibh Manach.

U1018.6

Domnall H. Caindelbain ri Loegaire, & Cais Midhe rechtaire Mael Shechlainn, do marbad la Firu Cell & Eile a tarriucht creiche.

U1018.7

Ind retlu mongach do arthrugud in hoc anno fri ré coicthighis i n-aimsir fhoghamhair.

U1018.8

Gilla Coluim m. Muiredaigh H. Mail Trea & Aedh H. Erudhain, rí H. m-Bresail Macha, mortui sunt.