Kl. Ianair .i.f., l. x.uiii. Anno Domini M.x.ui.
Flannacan m. Conaing fos-airchinnech Arda Macha, & Muirghis airchinnech Lis Oeighedh, in Christo dormierunt.
Eithne ingin H. Suairt comarba Brigte, Diarmait H. Mail Telcha comarba Comghaill, quieuerunt.
Macc Liag, ard-ollamh Erenn, mortuus est.
Cath eter Ultu & Dal n-Araide co remid for Dal n-Araide. Do-fuit ann Domnall H. Loingsigh, ri Dal n-Araide, & Niall m. Duib Thuinne, & Concobur H. Domnallan ri H. Tuirtri & alii multi. Niall m. Eochada ba coscrach.
M. Muiredaigh m. Flaind, ri Fer Muighi Itha, a suis occisus est.
Donn Cuan m. Dunluing,ri Laighen, & Tadhg H. Rian, rí H. n-Drona, do marbad la Donnchad m. Gilla Patraicc for lar Leithghlinne.
Dun Lethglaisi do uile-loscadh. Cluain M. Nois & Cluain Ferta & Cenannus do loscadh.
Airbertach m. Coisi Dobran, airchinnech Rois Ailithir, do ec.
Sith i n-Erinn.