Kl. Ianair.u. f., l. Anno Domini M.x.ii., alias M.13.
Crech la Mael Sechlainn i Conaillibh i n-dighail saraighti Fhinnfaidhig Phatraicc & bristi Bachlai Patraicc a forghaire Mail Muire & Briain.
Slogad la Flaithbertach, la righ n-Ailigh, co rigi Ed i taeb Cenannsa co fargaib Mael Sechlainn in tailchi dho.
Gilla Mo Chonna m. Foghartaigh, ri Deiscirt Bregh, do éc ina chotlud i tigh Mael Sechlainn iar n-ol. Leis do-rata na Gaill fon arathar & da Ghall ic foirsed asa tiaghaibh 'na n-diaigh.
Maidm for firu Midhe icon Draighnen ria n-Gallaib & Laighnibh; .c.l. occisi sunt im Fhlann m. Mael Sechlainn. {§H1}
§
fir Midhe fri forimthecht;
batar failti Gaill ro-clos
icon Draighnen don torus.
Slogad la Brian co h-Ath in Chairtinn ubi per .iii.es menses.
Crech mor la Murchad m. Briain i l-Laigniu coro oirc in tir co Gleann Da Locha & co Cill Maignenn & coro loisc in tir uile & co ruc gabala móra & brait diairmhidhe.
Ár Gall la Cathal m. n-Donnchada m. Duibh Da Bairenn dú i torchair Amlaibh m. Sitriuc, .i. m. rig Gall, & Mathgamain m. Duibgilla m. Amhlaim & ceteri.
Maidm for Connachta ria n-Ua Mael Doraid du i torchair Domnall m. Cathail, .i. in Catt, ridamna Connacht.
Muirchertach m. Aedha H. Neill do marbad do Dal Riatai.
Daingin imdha do {folio & column H55ra}do denamh la Brian, .i. cathair Cinn Coradh & Inis Gaill Duibh & Inis Locha Saingleann.
Laighin & Gaill do chocadh fri Brian & forbais fer Muman & Brian ic Sleib Mairci coro innriset Laighniu co h-Ath Cliath.
Mail Sechlainn do marbad do Ghallaib Atha Cliath.