Corpus of Electronic Texts Edition
The Annals of Ulster (Author: [unknown])

Year U1013

U1013.0

Kl. Ianair.u. f., l. Anno Domini M.x.ii., alias M.13.

U1013.1

Crech la Mael Sechlainn i Conaillibh i n-dighail saraighti Fhinnfaidhig Phatraicc & bristi Bachlai Patraicc a forghaire Mail Muire & Briain.

  • Crech mór la h-Ualgarc H. Ciardai, la righ Coirpri, & la m. Neill H. Ruairc h-i n-Gailenga conus-taraidh uathad degdaine do lucht taighi Mail t-Shechlainn iar n-ol isin uair-sin & atce mesca, co tardsat cath doibh tre diumus co torcair ann Donnchad m. Donnchada Finn, ridomna Temhrach & Cernachan m. Flainn rí Luighne, & Senan H. Leocain ri Galeng, & alii multi. Mael Sechlainn iarum dia torrachtain co fargabtha aigi na gabala & co torchair leis h-Ualgarc H. Ciardai, ri Coirpri, & alii multi.

    • U1013.3

    Slogad la Flaithbertach, la righ n-Ailigh, co rigi Ed i taeb Cenannsa co fargaib Mael Sechlainn in tailchi dho.

    U1013.4

    Gilla Mo Chonna m. Foghartaigh, ri Deiscirt Bregh, do éc ina chotlud i tigh Mael Sechlainn iar n-ol. Leis do-rata na Gaill fon arathar & da Ghall ic foirsed asa tiaghaibh 'na n-diaigh.

    U1013.5

    Maidm for firu Midhe icon Draighnen ria n-Gallaib & Laighnibh; .c.l. occisi sunt im Fhlann m. Mael Sechlainn. {§H1}

      1. Ni ma-lotar Luan for fecht
        fir Midhe fri forimthecht;
        batar failti Gaill ro-clos
        icon Draighnen don torus.        §

    p.446

    U1013.6

    Slogad la Brian co h-Ath in Chairtinn ubi per .iii.es menses.

    U1013.7

    Crech mor la Murchad m. Briain i l-Laigniu coro oirc in tir co Gleann Da Locha & co Cill Maignenn & coro loisc in tir uile & co ruc gabala móra & brait diairmhidhe.

    U1013.8

    Ár Gall la Cathal m. n-Donnchada m. Duibh Da Bairenn dú i torchair Amlaibh m. Sitriuc, .i. m. rig Gall, & Mathgamain m. Duibgilla m. Amhlaim & ceteri.

    U1013.9

    Maidm for Connachta ria n-Ua Mael Doraid du i torchair Domnall m. Cathail, .i. in Catt, ridamna Connacht.

    U1013.10

    Muirchertach m. Aedha H. Neill do marbad do Dal Riatai.

    U1013.11

    Daingin imdha do {folio & column H55ra}do denamh la Brian, .i. cathair Cinn Coradh & Inis Gaill Duibh & Inis Locha Saingleann.

    U1013.12

    Laighin & Gaill do chocadh fri Brian & forbais fer Muman & Brian ic Sleib Mairci coro innriset Laighniu co h-Ath Cliath.

    U1013.13

    Mail Sechlainn do marbad do Ghallaib Atha Cliath.