Corpus of Electronic Texts Edition

The Annals of Ulster (Author: [unknown])

Year U1009

U1009.0

Kl. Ianair.uii. f., l. i. Anno Domini M.uiii., alias 1009.

U1009.1

Crech-dighail mor la Mael Sechlainn for Laighniu.

U1009.2

Cathal m. Carlusa comarba Cainnigh, Mael Muire H. Uchtan comarba Cenannsa, mortui sunt.

U1009.3

Maelan, .i. in Gai Moir, rí H. Dorthaind, do marbad do Cheniul Eogain i n-Ard Macha for lar Trin Moir tria comerghi na da sluagh.

U1009.4

Donnchad H. Ceile do dhallad la Flaithbertach i n-Inis Eogain & a marbad iarum.

p.440

U1009.5

Maidm for Connacta ria feraibh Breifne. Maidm dano re Connachtu for feraibh Breibfne.

U1009.6

Crech la Flaithbertach Neill co firu Bregh co tuc borroma mor.

U1009.7

Mael Mordha, ri Laigen, do escur coro brised a choss.

U1009.8

{§H1}Dub Chablaig ingen righ Connacht, .i. ben Briain m. Ceinneitigh, mortua est.

Clothna m. Aengusa, prim-fhile Erenn, moritur.§