Kl. Ianair .ii. f., l. xui. Anno Domini M.iiii., alias 1005.
Aedh H. Flannacan airchinnech Maín Coluim Cille, Ragnall m. Gothraidh rí na n-Innsi, Concobur m. Domnaill rí Loch Beithech, Mael Brigte H. Rimeda abbas Ia, Domnall m. Macnia airchinnech Mainistrech, in Christo.
Gilla Comghaill, rí Ulad, do marbad o Mael Ruanaigh, a germano suo.
Aedh m. Tomaltaigh, .i. ri Lethi Cathail, do marbad la Flaithbertach H. Neill la indredh Leithi Cathail.
Muirecan o Bhoith Dhompnaich, comarba Patraicc, .lxx. secundo anno etatis sue, Aedh Treoiti, suí ind ecnai & i crabad, uitam finierunt i n-Ard Macha.
Cath eter fhiru Alban immoneitir i torchair ri Alban, .i. Cinaedh m. Duibh.
Roiniudh ic Loch Bricrenn for Ultu & h-U Echach ria Flaithbertach i torchair Artan, righdomna H. n-Echach.
Slogad la Brian co rigraidh Erenn ime co h-Ard Macha co farcaibh .xx. unga do ór for altoir Patraicc. Luidh fora culu co n-etire fer n-Erenn laiss.