Corpus of Electronic Texts Edition

The Annals of Ulster (Author: [unknown])

Year U999

U999.0

Kl. Ianair
[...]
. Anno Domini .dcccc.xc.uiii., alias 999.

U999.1

Gilla Enan m. Agdai do marbad do Shil Ronain tria mebail.

U999.2

Gilla Crist H. Cuilennan do marbad do Airgiallaib & alii multi.

U999.3

Donnchad m. Domnaill, ri Laigen, do ergabhail do Sitriuc m. Amhlaim, .i. ri Gall, & do Mhael Mordha m. Murchada. Righi Laigen do Mhael Mordhai iar suidhiu.

U999.4

Lia Ailbe, primh-dindgnai Maighi Bregh, do tuitim. Do-ronta cetheora clocha muilinn di iar tain la Mael Sechnaill.

U999.5

Crech mor la Mael Sechnaill o Laignib.

U999.6

M. Eicnigh m. Dhalaig, ri Airgiall, o h-U Ruairc occisus est.

U999.7

Indredh H. n-Echach la h-Aedh m. Domnaill co tuc borroma mor ass., .i. in creach mór Maighi Cabha.

U999.8

Slogad la Brian, ri Caisil, co Gleann Mamma co tangadur Gaill Atha Cliath dia fhuabairt co Laignibh imaille friu, co remaidh forro & coro ladh a n-ár im Aralt m. Amlaimh & im Chulen m. n-Etigen & im maithibh Gall olchena, .i. i teirt. Kl. Enair & i n-Dardain cecidit. Do-luidh Brian iar sin i n-Ath Cliath coro ort Ath Cliath leis.