Corpus of Electronic Texts Edition
The Annals of Ulster (Author: [unknown])

Year U919

U919.0

Kl. Ianair
[...]
. Anno Domini .dcccc.x.uiii., alias .dcccc.xix.

U919.1

Caisc for sept. kl. Mai & Minchaisc ala laithiu do shamradh.

U919.2

Aedh oa Mael Sechnaill do dhalladh le brathair, la Donnchad, ri Midhe.

U919.3

Bellum re n-gentibh occ Duiblinn for Goidhelu {folio & column H47ra} du i torcair Niall m. Aedho, ri Erenn, tertio anno regni sui, .xuii. kl. Octimbris, .iiii. feria, & du i torcair Aedh m. Eochocain ri Coicidh Conchobair, & Mael Mithid m. Flannacain, ri Breg, & Concobur h. Mael Sechnaill ridomna Temrach, & Flaithbertach m. Domnaill ridomna Ind Fhochlai, & m. Duib Sinaigh, .i. Mael Craibi ri na n-Airgiallu, & alii nobiles multi. Cath Atha Cliath le Gullo.


p.370

{§H1}
    1. Bronach indiu h-Eiriu h-uag
      cen rurig ruag rigi giall;
      is deicsiu nime cen grein
      fairgsi Muighe Neill cen Niall.
    2. Nis-ta medair maithius fir,
      nis-ta sith na suba sloigh,
      ni cumaing oenach do ain
      o ros-baid in broenach broin.
    3. Truag sin, a Magh m-Bregh m-buidhe,
      a thir n-alaind n-adguide,
      ro scarais frit righ ruirech,
      fot-racaibh Niall niam-guinech.
    4. Caiti mail iarthair betha,
      caiti grain cech airm-ghretha
      indid Niall crodha Cnucha
      ro malart a mor-thriucha?
§

U919.4

Cett m. Flaithbertaigh, Corcu Mo Druagh, Tigernach H. Cleirigh, ri H. Fiachrach Aidhne, mortui sunt.