Corpus of Electronic Texts Edition
The Annals of Ulster (Author: [unknown])

Year U918

U918.0

Kl. Ianair
[...]
. Anno Domini .dcccc.x.uii., alias .dcccc.xuiii.

U918.1

Mael Ioin princeps & episcopus Roiss Cree, Eicnech princeps Arann Airthir.


p.368

U918.2

Dainel Cluana Coirpthe, sencha amhra, in pace dormiuit.

U918.3

Muirenn ingin Suairt, abatisa Cille Daro, quieuit.

U918.4

Gaill Locha Da Caech do dergiu Erenn, .i. Ragnall Dubgall, & na da iarla, .i. Ottir & Graggabai & sagaith dóoib iar sin co firu Alban. Fir Alban dono ara cenn-somh co comairnechtar for bru Tine la Saxanu Tuaiscirt. Do-gensat in genti cethrai catha dibh, .i. cath la Gothbrith ua n-Imair; cath lasna da iarla; cath lasna h-óc-tigerna. Cath dano la Raghnall i n-eroloch nad-acadur fir Alban. Roinis re feraibh Alban forsna tri catha ad-conncadur co rolsat ár n-dimar dina genntibh im Ottir & im Graggabai. Raghnall dono do-fuabairt iar suidhiu i l-lorg fer n-Alban coro la ar dibh acht nad-farcbath ri na mor-móer di suidibh. Nox prelium dirimit.

U918.5

Eithilfleith, famosissima regina Saxonum, moritur.

U918.6

Cocadh iter Niall m. Aedho, ri Temhrach, & Sitriuc h. n-Imair

U918.7

Mael Mithid m. Flannacain, ri Cnoghbhai, do dul co genti fri cosnum Tuaiscirt Bregh a muin gente, quod ei nihil contulit.