Corpus of Electronic Texts Edition
The Annals of Ulster (Author: [unknown])

Year U914

U914.0

Kl. Ianair
[...]
Anno Domini .dcccc.x.iii. alias .dcccc.xiiii.

U914.1

Indredh Deiscirt Bregh & Deiscirt Ciannachta o Flaunn m. Mael Sechnaill. Cealla ili do sharugud leis.

U914.2

Mael Brigte m. Giblechain, ri Conaille, do guin o h-Uib Echoch quarto mense regni sui.

U914.3

Slogad la Niall m. n-Aedho i n-Dal n-Araide Iunio mense. Loingsech h. Lethlabhair, ri Dal Araide, dia tairecht oc Fregabul & maidm fair co fargabh a brathair asa lurgg, .i. Flathrue h. Lethlabair. Aedh m. Eochocain, ri in Coicidh, & Loingsech, ri Dal Araide, dia tairecht oc Carn Erenn & maidm foraibh. Cerran m. Colman, tosech Cenel Maelche,

p.362

& m. Allacain m. Laichtechain & alaile du fhacbail asa lurgg. Aed autem cum paucissimis ex fuga reuertens & acerrime intra fugam resistens, quosdam ex militibus Neill prostrauit. Dubgall filius eius uulneratus euasit.

U914.4

Bellum nauale oc Manainn eter Bárid m. n-Oitir & Ragnall h. Imair ubi Bare pene cum omni exercitu suo deletus est.

U914.5

Nocoblach mar di gentibh oc Loch Da Caech.

U914.6

Sidh eter Niall m. n-Oedho, ri n-Ailigh, & Aedh righ in Coicidh, oc Telach Occ i kl. Nouembir.

{H 46[bis]rb }

U914.7

Slogad Ind Fhochlai la Niall m. n-Aedho h-i Midhe h-i mis Decimbir. Sgorais oc Grellaigh Eillti fri Crosa Coil aniar. Luidh slogh h-uadh asin dunadh du saghaid arba & conndaidh. Dusn-arraid Oenghus h. Mael Sechlainn cona braithribh olchena & co slogh fer Midhe co fargabsat coicer ar cethrachait leo im Coinnecan m. Muirchertaich & im Fhergal m. Oenghussa & im Uathmuran m. n-Ailibh & im Erudhan m. Gairfhidh, toisech H. m-Bresail Macha, & im Mael Ruanaidh m. Cumuscaich, toisech Sil Duibhthire, & im Mael m-Brighti m. n-Aedhacain & im m. n-Erumain m. Aedho & im Fiachraigh m. Cellachain & im Mael Muire m. Flannacain, rigdomna na n-Airghialla. {§H1}

    1. Bron do Grellaigh Eillti h-uair,
      fuaramar cuain ina taibh,
      as-bert Cormacan fri Niall:
      ‘nachin-lecar siar, tiagham sair’.
§