Corpus of Electronic Texts Edition
The Annals of Ulster (Author: [unknown])

Year U837

U837.0

Kl. Ianair
[...]
. Anno Domini .dccc.xxx.ui.

U837.1

Flaithroa, abbas Monistrech Buti, episcopus & ancorita, Martan episcopus{folio & column H40rb} Cluana Cain, requierunt.

U837.2

Mael Duin m. Sechnusaigh ri Fer Cul, Tuathal m Fianghalaigh ri Ceniuil Ardgail, Riacan m. Finshnechti leith-ri Laigen, mortui sunt.

U837.3

Longas tre-fhichet long di Norddmannaibh for Boinn; longas .ii. tre-fhichet long for abaind Liphi. Ro slatsat iarum in di longais-sin Magh Liphi & Magh m-Bregh eter cealla & dune & treba. Roiniudh re feraib Bregh for Gallaibh ec Deoninni i Mughdornaibh Bregh conid-torchradar se fichit diibh.

U837.4

Bellum re genntibh oc Inbiur na m-Barc for h-U Neill o Shinaind co muir dú i r-roladh ar nad-ráirmedh, acht primi reges euasserunt.

U837.5

Loscadh Innseo Celtre o gentibh.

U837.6

Cella Locha Eirne n-uile im Chluaen Eoais & Daiminis do dilgiunn o genntibh.

U837.7

Indredh Ceniuil Coirpri Cruim la Feidhilmidh.

U837.8

Roiniudh for Muimnechu re Cathal m. Murgusso.

U837.9

Marbadh Saxoilbh, toisigh na n-Gall, la Cianacht.


p.296